നാഗപട്ടണം: തമിഴ്‌നാട്ടിലെ നാഗപട്ടണത്തിനടുത്ത് പൊരയാറില്‍ ബസ് ഡിപ്പോയിലെ കെട്ടിടം തകര്‍ന്നുവീണ് എട്ടുപേര്‍ മരിച്ചു. മൂന്ന് പേരെ രക്ഷപ്പെടുത്തി. ഇവരുടെ പരുക്ക് ഗുരുതരമാണ്. ഇന്ന് പുലര്‍ച്ചയോടെയായിരുന്നു സംഭവം.

ജോലിയ്ക്ക് ശേഷം ഡിപ്പോയില്‍ കിടന്നുറങ്ങിയവരാണ് മരിച്ചത്.

കെട്ടിടത്തിന്റെ കാലപ്പഴക്കമാണ് അപകടകാരണമെന്നാണ് വിലയിരുത്തല്‍. 60 വര്‍ഷം മുന്‍പ് നിര്‍മിച്ച കെട്ടിടത്തില്‍ പിന്നീട് അറ്റകുറ്റപ്പണികളൊന്നും നടത്തിയിരുന്നില്ല.