ന്യൂഡല്‍ഹി: അമേരിക്കയിലെ റോഡുകളേക്കാള്‍ മികച്ചതാണ് സംസ്ഥാനത്തെ റോഡുകളെന്ന് മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍. സംസ്ഥാനത്തേക്ക് നിക്ഷേപകരെ ക്ഷണിക്കാനായി നടത്തിയ ആറു ദിവസത്തെ അമേരിക്കന്‍ സന്ദര്‍ശനത്തിലാണ് ചൗഹാന്റെ പ്രസ്താവന.
വാഷിങ്ടണ്‍ വിമാനത്താവളത്തിലിറങ്ങിയ താന്‍ അമേരിക്കയിലെ റോഡിലൂടെ സഞ്ചരിച്ചപ്പോഴാണ് തനിക്കിക്കാര്യം വ്യക്തമായതെന്നും ചൗഹാന്‍ പറഞ്ഞു. ഇന്ന് സംസ്ഥാനത്ത് 1.75 ലക്ഷം കിലോമീറ്ററോളം റോഡ് സൗകര്യമുണ്ടെന്നും എല്ലാ ഗ്രാമങ്ങളും റോഡുകള്‍ കൊണ്ട് ബന്ധിപ്പിച്ചു കഴിഞ്ഞതായും അദ്ദേഹം പറഞ്ഞു.