പെരിന്തല്‍മണ്ണ: ആലപ്പുഴയില്‍ നടക്കുന്ന കേരള എന്‍.ജി.ഒ അസോസിയേഷന്‍ 43ാം സംസ്ഥാന സമ്മേളനത്തിന്റെ ഭാഗമായി കാസര്‍ഗോഡ്‌നിന്നും തുടങ്ങി ആലപ്പുഴ വരെയുള്ള പ്രചാരണ ജാഥയ്ക്ക് പെരിന്തല്‍മണ്ണയില്‍ സ്വീകരണം നല്‍കി. സമ്മേളന നഗരിയില്‍ ഉയര്‍ത്താനുള്ള പതാകയുമായി സംസ്ഥാന വൈസ് പ്രസിഡന്റ് പി.ഉണ്ണികൃഷ്ണന്‍ നയിക്കുന്ന ജാഥയ്ക്കാണ് പെരിന്തല്‍മണ്ണ മിനി സിവില്‍സ്റ്റേഷന്‍ പരിസരത്ത് സ്വീകരണം നല്‍കിയത്. സംഗമം പെരിന്തല്‍മണ്ണ ബ്ലോക്ക് പഞ്ചായത്ത് വൈസ് പ്രസിഡന്റ് ടി.കെ സ്വദഖ ഉദ്ഘാടനം ചെയ്തു. സംസ്ഥാന സെക്രട്ടറിയേറ്റംഗം ശിവദാസ് പിലാപ്പറമ്പില്‍ അധ്യക്ഷനായി.