പെരിന്തല്‍മണ്ണ: പെരിന്തല്‍മണ്ണ പെയിന്‍ ആന്‍ഡ് പാലിയേറ്റീവ് കെയര്‍ ക്ലിനിക്കില്‍ വയോജനസംഗമം നടന്നു. ക്ലിനിക്കില്‍ ഏറെക്കാലമായി സൗജന്യചികിത്സ നേടുന്ന 60 രോഗികളും കുടുംബാംഗങ്ങളും പങ്കെടുത്ത സംഗമത്തില്‍ വയോജനങ്ങള്‍ നടത്തിയ വിവിധയിനം കലാപരിപാടികള്‍ പുതിയ അനുഭവമായി.
ഗവ.കേളേജ് പാലിയേറ്റീവ് യൂനിറ്റ് വിദ്യാര്‍ഥികള്‍ ഉപഹാരങ്ങള്‍ നല്‍കി. എ.വി മുസ്തഫ അധ്യക്ഷനായി. പെരിന്തല്‍മണ്ണ പെയിന്‍ പാലിയേറ്റീവ്, ഐ.എം.എ, പി.ടി.എം ഗവ. കോളജ് എന്നിവയുടെ സംയുകതാഭിമുഖ്യത്തിലായിരുന്നു പരിപാടി.