പയ്യന്നൂര്‍: ട്രാവലേണ്‍ ഹോളിഡെയ്‌സ് ഇനി പയ്യന്നൂരിലും പ്രവര്‍ത്തനം ആരംഭിക്കുന്നു. ലോകമെങ്ങുമുള്ള തീര്‍ഥാടന കേന്ദ്രങ്ങളും ടൂറിസ്റ്റ് കേന്ദ്രങ്ങളും സന്ദര്‍ശിക്കാന്‍ പ്രത്യേക പാക്കേജുകളാണ് ട്രാവലേണ്‍ ഒരുക്കുന്നതെന്ന് മാനേജ്‌മെന്റ് അറിയിച്ചു. കുടുംബ, സുഹൃദ്‌സമേതം യാത്ര ചെയ്യാന്‍ അവസരമുണ്ട്. അക്കാദമിക, ചരിത്ര പണ്ഡിതന്‍മാരുടെയും പ്രത്യേകപരിശീലനം നേടിയ ട്രാവല്‍ ഗൈഡുമാരുടെയും സാന്നിധ്യം യാത്രയിലുണ്ടാകും. ഇറാഖ്, ജോര്‍ദ്ദാന്‍, ഫലസ്തീന്‍, ഇസ്രായേല്‍, ഈജിപ്ത്, സഊദിഅറേബ്യ രാജ്യങ്ങളിലേക്കുള്ള 19 ദിവസത്തെ യാത്ര സാധാരണക്കാര്‍ക്ക് പോലും ഉള്‍ക്കൊള്ളാവുന്ന ചെലവിലാണ് ട്രാവലേണ്‍ ഉറപ്പുനല്‍കുന്നത്.
ഹലാല്‍ ഭക്ഷണവും പ്രാര്‍ഥനാ സൗകര്യവും ഉറപ്പുവരുത്തി, ലോകത്തിലെവിടെയും സഞ്ചരിക്കാനുള്ള ട്രാവലേണ്‍ ഹോളി ടൂര്‍സിന്റെ ടൂര്‍ ഡയറിയും പുറത്തിറക്കിയിട്ടുണ്ട്.
പയ്യന്നൂര്‍ മാളില്‍ ആരംഭിക്കുന്ന ട്രാവലേണ്‍ ഹോളിഡേയ്‌സ് ഓഫിസ് ഉദ്ഘാടനം ഇന്ന് ഉച്ചക്ക് രണ്ടിന് ട്രാവലേണ്‍ ഹോളിഡെയ്‌സ് ചെയര്‍മാന്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിക്കും. ഡോ. സുബൈര്‍ ഹുദവി, സി.ടി അബ്ദുല്‍ ഖാദര്‍, അബ്ദുല്‍ റശീദ് സഹാറ കോട്ടക്കല്‍, അബ്ദുല്‍ അസീസ് അല്‍അറേബ്യ മുംബൈ എന്നിവര്‍ അറിയിച്ചു.