മുഴപ്പിലങ്ങാട്: കണ്ണൂര്‍ സൗത്ത് ഉപജില്ലാ ശാസ്ത്രമേളയില്‍ ഹയര്‍ സെക്കന്‍ഡറി വിഭാഗത്തില്‍ കടമ്പൂരും എച്ച്.എസ് വിഭാഗത്തില്‍ പെരളശേരി എ.കെ.ജി സ്മാരക ഗവ.എച്ച്.എസ്.എസും യു.പിയില്‍ തോട്ടട വെസ്റ്റ് യു.പിയും ഓവറോള്‍ ചാമ്പ്യന്‍മാരായി.
എല്‍.പി വിഭാഗം പ്രവൃത്തി പരിചയമേളയില്‍ തോട്ടട വെസ്റ്റ് യു.പി, മുണ്ടലൂര്‍ ന്യൂ എല്‍.പി, മുഴപ്പിലങ്ങാട് ഈസ്റ്റ് എല്‍.പി യഥാക്രമം ഒന്ന്, രണ്ട്, മൂന്ന് സ്ഥാനം നേടി. യു.പി പ്രവൃത്തി പരിചയമേളയില്‍ തോട്ടട വെസ്റ്റ് യു.പി ഒന്നും, കാടാച്ചിറ എച്ച്.എസ്.എസ് രണ്ടും, കടമ്പൂര്‍ എച്ച്.എസ്.എസ് മൂന്നും സ്ഥാനം നേടി. സമാപന സമ്മേളനം ഉദ്ഘാടനവും സമ്മാനദാനവും എ.ഇ.ഒ എം.കെ ഉഷ നിര്‍വഹിച്ചു. കെ.വി രഞ്ജിത്ത്, കെ. അജിത്ത് കുമാര്‍, ബാബു മഹേശ്വരി പ്രസാദ്, ജനു ആയിച്ചാന്‍ കണ്ടി സംസാരിച്ചു.