എടക്കാട്: ആര്‍.എസ്.എസ് നേതാവിന്റെ ജന്മദിനം ആഘോഷിക്കാന്‍ സ്‌കൂളുകള്‍ക്ക് നിര്‍ദേശം നല്‍കിയ എല്‍.ഡി.എഫ് സര്‍ക്കാരിന്റെ സര്‍ക്കുലറില്‍ പ്രതിഷേധിച്ച് എം.എസ്.എഫ് മുഴപ്പിലങ്ങാട് പഞ്ചായത്ത് കമ്മിറ്റി പ്രതിഷേധ ജ്വാല സംഘടിപ്പിച്ചു. ഇതിന്റെ ഭാഗമായി വിവാദ സര്‍ക്കുലറും കത്തിച്ചു പ്രതിഷേധിച്ചു. മുസ്‌ലിംലീഗ് പഞ്ചായത്ത് പ്രസിഡന്റ് ഹമീദ് ഉദ്ഘാടനം ചെയ്തു. സഫ്‌വാന്‍ കെ.വി അധ്യക്ഷനായി. മുസ്‌ലിം യൂത്ത് ലീഗ് സെക്രട്ടറി ഫായിസ് തങ്ങള്‍ മുഖ്യപ്രഭാഷണം നടത്തി. ധര്‍മടം മണ്ഡലം ജനറല്‍ സെക്രട്ടറി സഹൂദ് മുഴപ്പിലങ്ങാട്, സലാഹുദ്ദീന്‍, ഇര്‍ഫാദ്, സജാദ് സംസാരിച്ചു.