തലശ്ശേരി: സ്‌പോര്‍ട്‌സ് അതോറിറ്റി ഓഫ് ഇന്ത്യ(സായ്)യുടെയും ഖേലോ ഇന്ത്യയുടെയും ഫണ്ട് ഉപയോഗിച്ച് ധര്‍മടം ബ്രണ്ണന്‍ കോളജിന്റെ അധീനതയിലുള്ള ഏഴേക്കര്‍ സ്ഥലത്ത് നിര്‍മാണം ആരംഭിക്കുന്ന സിന്തറ്റിക് ട്രാക്ക് സ്റ്റേഡിയം ആന്‍ഡ് സ്‌പോര്‍ട്‌സ് കോംപ്ലക്‌സിന്റെ ശിലാസ്ഥാപനം 29ന് രാവിലെ 10 മണിക്ക് മുഖ്യമന്ത്രി പിണറായി വിജയന്‍ നിര്‍വഹിക്കും.
ധര്‍മടം ഗ്രാമപഞ്ചായത്ത് പ്രസിഡന്റ് സി.പി ബേബി സരോജ, കോളജ് പ്രിന്‍സിപ്പല്‍ പ്രൊഫ. കെ.എല്‍ ബീന, സായ് സെന്റര്‍ ഇന്‍ചാര്‍ജ് ഡോ. എന്‍.ബി സുരേഷ്, പ്രോഗ്രാം കമ്മിറ്റി കണ്‍വീനര്‍ പ്രൊഫ. കെ. ബാലന്‍, കോളജ് കായികവിഭാഗം മേധാവി ഡോ. കെ.പി പ്രശോഭിത്ത്, മീഡിയ പബ്ലിസിറ്റി സംഘാടക സമിതി കണ്‍വീനര്‍ കെ.വി ഗോകുല്‍ദാസ് വാര്‍ത്താസമ്മേളനത്തില്‍ സംബന്ധിച്ചു.