പയ്യന്നൂര്‍: കായിക കേരളത്തിന്റെ അഭിമാനമായി മാറിയ അഭിഷയ്ക്ക് ജന്മനാട്ടില്‍ സ്വീകരണം നല്‍കി. സംസ്ഥാന സ്‌കൂള്‍ കായിക മേളയില്‍ വ്യക്തിഗത ചാംപ്യനായ അഭിഷയെ ഇന്നലെ വൈകുന്നേരം 6.30ഓടെ പയ്യന്നൂര്‍ റെയില്‍വേ സ്റ്റേഷനില്‍ സ്വീകരിച്ചു. ഘോഷയാത്രയായി സ്വീകരണ കേന്ദ്രമായ കണ്ടോത്ത് ശ്രീ കൂര്‍മ്പാ ഭഗവതി ക്ഷേത്ര പരിസരത്ത് എത്തി. യോഗത്തില്‍ പി. കരുണാകരന്‍ എം.പി ഉപഹാരം നല്‍കി. നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍, കൗണ്‍സിലര്‍ പവിത്രന്‍, ജാക്വലിന്‍ ബിനാ സ്റ്റാന്‍ലി സംബന്ധിച്ചു.