ചെറുവത്തൂര്‍: കോട്ടയത്ത് സമാപിച്ച സംസ്ഥാന സ്‌കൂള്‍ കായികമേളയില്‍ സ്വര്‍ണം നേടി ജില്ലയുടെ അഭിമാനമായി മാറിയ കെ.സി സിദ്ധാര്‍ഥിന് ജന്മനാടിന്റെ ആദരം. മയ്യിച്ച പൗരാവലിയുടെ നേതൃത്വത്തിലാണ് ആദരമൊരുക്കിയത്. ജൂനിയര്‍ വിഭാഗം ഡിസ്‌കസ് ത്രോയിലാണു കുട്ടമത്ത് ഗവ.ഹയര്‍ സെക്കന്‍ഡറി സ്‌കൂള്‍ അധ്യാപകനായ സിദ്ധാര്‍ഥ് സുവര്‍ണ നേട്ടം സ്വന്തമാക്കിയത്. ജില്ലയ്ക്കു ലഭിച്ച ഏക മെഡലും ഇതാണ്. വയല്‍ക്കര ഭഗവതി ക്ഷേത്ര പരിസരത്തു നിന്നു സിദ്ധാര്‍ഥിനെ ഘോഷയാത്രയായാണ് അനുമോദന വേദിയിലേക്ക് സ്വീകരിച്ചത്. എം. രാജഗോപാലന്‍ എം.എല്‍.എ നാടിന്റെ ഉപഹാരം സമര്‍പ്പിച്ചു. പഞ്ചായത്ത് പ്രസിഡന്റ് മാധവന്‍ മണിയറ അധ്യക്ഷനായി. കെ.വി കുഞ്ഞിരാമന്‍, എം.വി ജയശ്രീ, സൂര്യനാരായണ കുഞ്ചുരായര്‍, മധുസൂദനന്‍, എം.പി പത്മനാഭന്‍ സംസാരിച്ചു.