ചെര്‍ക്കള: ടാര്‍ എന്ന വ്യാജേന ലോറിയില്‍ കടത്തിയ മണല്‍ പൊലിസ് പിടികൂടി. ഇന്നലെ പുലര്‍ച്ചെ പൊയ്‌നാച്ചിയില്‍ വച്ചാണ് വിദ്യാനഗര്‍ എസ്.ഐ കെ.പി വിനോദ് കുമാറിന്റെ നേതൃത്വത്തിലുള്ള പൊലിസ് സംഘം മണല്‍ കടത്ത് പിടികൂടിയത്.
മംഗളൂരുവില്‍ നിന്നു കണ്ണൂര്‍ ഭാഗത്തേക്ക് പോവുകയായിരുന്ന ടോറസ് ലോറി പൊയ്‌നാച്ചിയില്‍ വാഹന പരിശോധന നടത്തുകയായിരുന്ന പൊലിസ് കൈകാണിച്ചു നിര്‍ത്തിയപ്പോള്‍ ലോറിയില്‍ ടാര്‍ എന്നാണ് ഡ്രൈവര്‍ പറഞ്ഞത്.
സംശയം തോന്നിയ പൊലിസ് ലോറിയില്‍ കയറി പരിശോധിച്ചപ്പോള്‍ ബാരലില്‍ നിറച്ച മണല്‍ കണ്ടെത്തുകയായിരുന്നു.
ലോറിയെയും ഡ്രൈവറെയും കസ്റ്റഡിയിലെടുത്തു.