മൊറാദാബാദ്: ലഷ്‌കറെ ത്വയ്ബ അംഗമായ യുവാവിനെ ഭീകരവിരുദ്ധ സ്‌ക്വാഡ് അറസ്റ്റ് ചെയ്തു. ഒരു കേസുമായി ബന്ധപ്പെട്ട് ജാമ്യത്തില്‍ ആയിരുന്ന ഫര്‍ഹാനെയാണ് അറസ്റ്റ് ചെയ്തത്. ഇയാളുടെ കൈയ്യില്‍ നിന്ന് പിടിച്ചെടുത്ത പാസ്‌പോര്‍ട്ട് വ്യാജമാണെന്ന് കണ്ടെത്തിയതായി പൊലിസ് അറിയിച്ചു. റേഷന്‍ കാര്‍ഡ്, പാന്‍ കാര്‍ഡ്, ആധാര്‍ കാര്‍ഡ് എന്നിവയും പിടിച്ചെടുത്തിട്ടുണ്ട്. ലഷ്‌കറിന്റെ സജീവ പ്രവര്‍ത്തകനാണ് ഇയാളെന്നാണ് പൊലിസ് പറയുന്നത്. 2008 ല്‍ ഡല്‍ഹി പോട്ട കോടതിയില്‍ നിന്ന് ഏഴു വര്‍ഷം ജയില്‍ശിക്ഷയ്ക്ക് വിധിക്കപ്പെട്ട ഇയാള്‍ 2009ല്‍ ജാമ്യം നേടിയശേഷം മൊറാദാബാദില്‍ താമസിച്ചു വരികയായിരുന്നു.