ദോഹ: ഖത്തര്‍ ഒളിംപിക്‌സ് കമ്മിറ്റിയിലെ മൂന്നര പതിറ്റാണ്ടിലേറെക്കാലത്തെ സര്‍വിസില്‍നിന്നു വിരമിച്ചു നാട്ടിലേക്കുപോകുന്ന പലേരിക്കണ്ടി ആമത് ഹാജി, ഖത്തര്‍ പ്രവാസം അവസാനിപ്പിക്കുന്ന 'നന്മ' പ്രവര്‍ത്തകന്‍ പുതിയെടുത്തില്‍ മുഹമ്മദ് എന്നിവര്‍ക്കു സ്വീകരണം നല്‍കി.
'നന്മ' ചീക്കോന്ന് സംഘടിപ്പിച്ച പരിപാടിയില്‍ പാറക്കല്‍ അബ്ദുല്ല എം.എല്‍.എ ഉപഹാരങ്ങള്‍ നല്‍കി. അഹമ്മദ് പാതിരിപ്പറ്റ അധ്യക്ഷനായി.
'നന്മ' ചീക്കോന്നിന്റെ ആരംഭകാലം മുതലുള്ള സജീവ പ്രവര്‍ത്തകനും ഉപദേശക സമിതി അംഗവുമാണ് ആമത് ഹാജി. കെ.പി സലാം സ്വാഗതവും മിറാഷ് എന്‍.പി നന്ദിയും പറഞ്ഞു.