ബമാക്കോ: മാലിയിലുണ്ടായ ഭീകരാക്രമണത്തില്‍ മൂന്ന് യു.എന്‍ സമാധാന സൈനികര്‍ കൊല്ലപ്പെട്ടു. രണ്ടു പേര്‍ക്ക് പരുക്കേറ്റു.
വാഹനത്തില്‍ സഞ്ചരിക്കവെ കുഴിബോംബ് പൊട്ടിത്തെറിക്കുകയായിരുന്നുവെന്ന് മാലി സര്‍ക്കാര്‍ വൃത്തങ്ങള്‍ പറഞ്ഞു.
വ്യാപാര വസ്തുക്കള്‍ക്ക് അകമ്പടി പോകവേ തെസലിത്തിനും അഗല്‍ഹോക്കിനും ഇടയില്‍ റോഡില്‍വച്ചാണ് ബോംബ് പൊട്ടിയത്. കൊല്ലപ്പെട്ട സൈനികര്‍ ഏതു രാജ്യക്കാരാണെന്നു തിരിച്ചറിഞ്ഞിട്ടില്ല.
എന്നാല്‍ ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. യു.എന്‍ സമാധാന സൈനികര്‍ക്കെതിരേ നടത്ത ആക്രമണത്തില്‍ ഇതുവരെ 80 പേര്‍ കൊല്ലപ്പെട്ടിട്ടുണ്ട്.