ഇസ്‌ലാമാബാദ്: നിയന്ത്രണരേഖയില്‍ ഇന്ത്യയുടെ ചാരഡ്രോണ്‍ വെടിവെച്ചുവീഴ്ത്തിയതായി പാക്‌സൈന്യം. രാഖ്ചിക്രി സെക്ടറില്‍ നിയന്ത്രണരേഖ ലംഘിച്ചെത്തിയ ഇന്ത്യന്‍ ചാര ഡ്രോണ്‍ പാകിസ്താന്‍ സൈന്യം വെടിവെച്ചുവീഴ്ത്തിയതായി മേജര്‍ ജനറല്‍ ആസിഫ് ഗഫൂറാണ് ട്വിറ്ററിലൂടെ അറിയിച്ചത്. ഡ്രോണിന്റെ ചിത്രവും മേജര്‍ ജനറല്‍ പങ്കുവെച്ചിട്ടുണ്ട്.

കഴിഞ്ഞ നവംബറിലും സമാനമായ സംഭവം നടന്നിട്ടുണ്ട്. 2015 ജൂലൈയില്‍ ആകാശ നിരീക്ഷണത്തിനുപയോഗിക്കുന്ന ഡ്രോണുകള്‍ ഇന്ത്യ പാക് മേഖലയിലേക്ക് അയച്ചതായും പാക് സൈനികവൃത്തങ്ങള്‍ ആരോപിച്ചിരുന്നു.