ജിദ്ദ: സര്‍ക്കാരിന്റെ ഭരണപരാജയം മറച്ചുവയ്ക്കാന്‍ സോളാര്‍ കേസ് പോലുള്ള ആരോപണങ്ങള്‍ കൊണ്ട് പ്രതിപക്ഷത്തെ ഒതുക്കി നിര്‍ത്താമെന്നുള്ളത്
വ്യാമോഹം മാത്രമാണെന്ന് പി.കെ.ബഷീര്‍ എം.എല്‍.എ. മദീന കെ.എം.സി.സി സെന്‍ട്രല്‍ കമ്മിറ്റി സംഘടിപ്പിച്ച സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം. ദേശീയ രാഷ്ട്രീയത്തില്‍ ഫാസിസ്റ്റ് വാദികളായ ബി.ജെ.പിക്ക് ബദലായി കോണ്‍ഗ്രസ്സിനല്ലാതെ മറ്റൊരു ശക്തിക്കും വളര്‍ന്നു വരാന്‍ ഇന്ത്യയിലെ നിലവിലെ സാഹചര്യത്തില്‍ സാധ്യമല്ല. മുസ്‌ലിം ലീഗിന് ഇക്കാര്യത്തില്‍ വ്യക്തമായ ബോധ്യമുണ്ട്. എന്നാല്‍ ഇടതുപക്ഷത്തെ ഒരു വിഭാഗം അത്തരം നിര്‍ദേശങ്ങളുമായി മുന്നോട്ടു വരുന്നതില്‍ സന്തോഷമുണ്ടെന്നും അദ്ദേഹം കൂട്ടിച്ചേര്‍ത്തു.
ഉംറ നിര്‍വഹിക്കാന്‍ സഊദിയില്‍ എത്തിയതായിരുന്നു എം.എല്‍.എ. ആക്ടിംഗ് പ്രസിഡന്റ് റഷീദ് പേരാമ്പ്ര അധ്യക്ഷത വഹിച്ചു.