കൊച്ചി: കെ.പി.സി.സി ഭാരവാഹി പട്ടികയുമായി ബന്ധപ്പെട്ട പ്രശ്‌നങ്ങള്‍ ഉടന്‍ പരിഹരിക്കുമെന്ന് കെ.പി.സി.സി വൈസ് പ്രസിഡന്റ് വി.ഡി സതീശന്‍ എം.എല്‍.എ. 282 പേരുടെ പട്ടികയില്‍ 20 പേരുടെ കാര്യത്തില്‍ മാത്രമാണ് തര്‍ക്കമുള്ളതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.
പാര്‍ട്ടിക്ക് ആരെയും ഉപേക്ഷിക്കാനാവില്ല. പട്ടികയില്‍ ഉള്‍പ്പെടുത്തിയവരേക്കാള്‍ അര്‍ഹരായ നിരവധി പേര്‍ പുറത്തുണ്ട്. യുവാക്കള്‍ക്കും വനിതകള്‍ക്കും ദലിത് വിഭാഗങ്ങള്‍ക്കും പ്രാതിനിധ്യം നല്‍കേണ്ടതുണ്ട്. ഇവരുള്‍പ്പെടെ ഇത്രയധികം മികച്ച നേതാക്കളില്‍ നിന്ന് തിരഞ്ഞെടുക്കുകയെന്നതും ഏറെ ശ്രമകരമാണെന്നും സതീശന്‍ പറഞ്ഞു.