ഗാന്ധിനഗര്‍ : നിയമസഭാ തെരഞ്ഞെടുപ്പില്‍ ഇത്തവണ ശിവസേന മത്സരിക്കില്ലെന്ന് നേതാക്കള്‍ സൂചന നല്‍കി. ബി.ജെ.പി വിരുദ്ധ വോട്ടുകള്‍ ഭിന്നിക്കാതിരിക്കാനാണ് ഇത്തരമൊരു നിലപാട് സ്വീകരിക്കുന്നതെന്നാണ് പാര്‍ട്ടി നേതൃത്വം നല്‍കുന്ന വിവരം. കഴിഞ്ഞ രണ്ട് നിയമ സഭാ തെരഞ്ഞെടുപ്പുകളിലും ശിവസേന മത്സരിച്ചിരുന്നെങ്കിലും ഒരു സീറ്റുപോലും നേടാന്‍ അവര്‍ക്ക് കഴിഞ്ഞിരുന്നില്ല. എന്നാല്‍ അവരുടെ വോട്ടുകള്‍ സംസ്ഥാനത്ത് നിര്‍ണായകമാണെന്നതാണ് ശ്രദ്ധേയം. ശക്തമായ രീതിയില്‍ ബി.ജെ.പി വിരുദ്ധ നിലപാട് സ്വീകരിക്കുന്ന പട്ടേല്‍ സമുദായ നേതാവ് ഹാര്‍ദിക് പട്ടേലിന് നേരത്തെ ശിവസേന പരസ്യ പിന്തുണ പ്രഖ്യാപിച്ചിട്ടുണ്ട്. പാര്‍ട്ടി നിലപാട് അധ്യക്ഷന്‍ ഉദ്ധവ് താക്കറെ ഉടന്‍ പ്രഖ്യാപിക്കുമെന്ന് ശിവസേന വക്താവ് അറിയിച്ചു.