കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ പ്രവര്‍ത്തിക്കുന്ന അല്‍ബിര്‍ ഇസ്‌ലാമിക പ്രീ സ്‌കൂളുകളില്‍ നിയമിക്കുന്നതിനായി നടത്തിയ അധ്യാപിക യോഗ്യതാ പരീക്ഷയുടെ ഫലം പ്രസിദ്ധീകരിച്ചു.
അമീറ വലിയപറമ്പന്‍(മലപ്പുറം), ജസീല.എം.മാനിപുരം(കോഴിക്കോട്), നസീമ.കെ.പി വെള്ളമുണ്ട (വയനാട്) എന്നിവര്‍ ഒന്നും രണ്ടും മൂന്നും റാങ്കുകള്‍ നേടി. പരീക്ഷാഫലം ംംം.മഹയശൃൃരെവീീഹ.ീൃഴ വെബ്‌സൈറ്റില്‍ ലഭ്യമാണ്.

കെ.എസ്.ടി.യു സേവ് എജ്യുക്കേഷന്‍ ഡേ ഒന്നിന്
കോഴിക്കോട്: വിദ്യാഭ്യാസരംഗത്തെ കാവിവല്‍ക്കരണത്തിനെതിരേ കേരളത്തിപ്പിറവി ദിനത്തില്‍ കെ.എസ്.ടി.യു സേവ് എജ്യുക്കേഷന്‍ ഡേ ആയി ആചരിക്കും. നവംബര്‍ ഒന്നിന് വിദ്യാലയങ്ങളില്‍ പ്രതിഷേധങ്ങളും ഉപജില്ലാ തലങ്ങളില്‍ പ്രതിഷേധ പ്രകടനങ്ങളും വിദ്യാഭ്യാസ ജില്ലാതലത്തില്‍ വിദ്യാഭ്യാസ സംരക്ഷണ സദസുകളും സംഘടിപ്പിക്കും.