വിജയവാഡ: ഈ വര്‍ഷം ജനുവരി മുതല്‍ സെപ്റ്റംബര്‍ വരെയുള്ള ഒന്‍പതുമാസങ്ങള്‍ക്കിടയില്‍ സംസ്ഥാനത്തുണ്ടായ വാഹനാപകടത്തില്‍ മരിച്ചത് 8,210 പേര്‍.
ചെറുതും വലുതമായ 30,045 വാഹനാപകടങ്ങളിലായിട്ടാണ് ഇത്രയും പേര്‍ മരിച്ചതെന്ന് സര്‍ക്കാര്‍ അറിയിച്ചു. രാജ്യത്തെ മൊത്തം അപകടത്തിന്റെ 7.52 ശതമാനം വരും ഇത്. ഏറ്റവും കൂടുതല്‍ വാഹനാപകടങ്ങളുണ്ടാകുന്ന സംസ്ഥാനങ്ങളില്‍ മൂന്നാം സ്ഥാനത്താണ് ആന്ധ്രാ പ്രദേശ്.
ഓരോ മൂന്നര മിനിറ്റിലും ഒരാള്‍ വീതം രാജ്യത്തില്‍ അപകടത്തില്‍പ്പെട്ട് മരിക്കുന്നുണ്ട് എന്നാണ് കണക്കാക്കുന്നത്. 2016ല്‍ ഉണ്ടായതിനേക്കാള്‍ കൂടുതലാണ് ഈ വര്‍ഷം ഒന്‍പത് മാസങ്ങളില്‍ സംസ്ഥാനത്തുണ്ടായത്.