ചെറുവത്തൂര്‍: കഴിഞ്ഞദിവസം അന്തരിച്ച മുതിര്‍ന്ന കോണ്‍ഗ്രസ് നേതാവ് പി.സി രാമന് ആയിരങ്ങളുടെ അന്ത്യാഞ്ജലി.
ഇന്നലെ രാവിലെ തുരുത്തി, കാടങ്കോട് ജയ്ഹിന്ദ് വായനശാല, ചെറുവത്തൂര്‍ ഫാര്‍മേഴ്‌സ് സഹകരണ ബാങ്ക് എന്നിവിടങ്ങളില്‍ മൃതദേഹം പൊതുദര്‍ശനത്തിനുവച്ചു.
ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍, റവന്യു വകുപ്പ് മന്ത്രി ഇ. ചന്ദ്രശേഖരന്‍, എം.എല്‍.എമാരായ എം. രാജഗോപാലന്‍, എന്‍.എ നെല്ലിക്കുന്ന്, സി. കൃഷ്ണന്‍, ജില്ലാ പഞ്ചായത്ത് പ്രസിഡന്റ് എ.ജി സി ബഷീര്‍, പഞ്ചായത്ത് പ്രസിഡന്റുമാര്‍, ഡി.സി.സി പ്രസിഡന്റ് ഹക്കിം കുന്നില്‍, മുസ്‌ലിം ലീഗ് ജില്ലാ ജനറല്‍ സെക്രട്ടറി എം.സി ഖമറുദ്ദീന്‍, സി.പി.ഐ ജില്ലാ സെക്രട്ടറി ഗോവിന്ദന്‍ പള്ളിക്കാപ്പില്‍ തുടങ്ങിയവര്‍ അന്ത്യോപചാരം അര്‍പ്പിച്ചു.