മഞ്ചേരി: വിദ്യാര്‍ഥികളിലെ ന്യൂതന സംരംഭക ആശയങ്ങളെ പരിപോഷിപ്പിക്കുന്നതിന്റെ ഭാഗമായി മഞ്ചേരി ഏറനാട് നോളജ് സിറ്റിയില്‍ കേരള സ്റ്റാര്‍ട്ട് അപ്പ് മിഷന്‍ 'സ്റ്റാര്‍ട്ട് അപ്പ് ഐ ത്രി' എന്നപേരില്‍ ശില്‍പശാല സംഘടിപ്പിച്ചു. രണ്ട് മേഖലകളായാണ് ശില്‍പശാല നടന്നത്. വിദ്യാര്‍ഥികളില്‍നിന്നും തെരഞ്ഞെടുക്കപ്പെട്ട പുതിയ ആശയ രൂപീകരണത്തിനു സമ്മാനവും പ്രശസ്തി പത്രവും നല്‍കി. ഓപ്പണ്‍ ഫ്യൂവെല്‍ മേധാവി രോഹിത് രാധാകൃഷ്ണന്‍ നേതൃത്വംനല്‍കി. കോഡിനേറ്റര്‍മാരായ അഷ്ഫാഖ്, പ്രൊഫ. ശിവകുമാര്‍, ഡെന്നീസ് മോന്‍ തുടങ്ങിയവര്‍ പങ്കെടുത്തു.