കണ്ണൂര്‍: പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കം ജാഥയുടെ ഭാഗമായുള്ള ഒരു കോടി ഒപ്പ് ശേഖരണ ക്യാംപയിന്റെ ഭാഗമായി കെ.എസ്.യുവും.
കലാലയങ്ങളുടെ കൈയൊപ്പ് എന്ന പേരിലാണ് കെ.എസ്.യു പരിപാടി നടത്തിയത്. കണ്ണൂര്‍ ജില്ലാ കമ്മിറ്റിയുടെ നേതൃത്വത്തില്‍ ജില്ലയിലെ ക്യാംപസുകളില്‍ ഒപ്പ് ശേഖരണം നടത്തും. പരിപാടിയുടെ ജില്ലാതല ഉദ്ഘാടനം കണ്ണൂര്‍ കൃഷ്ണമേനോന്‍ സ്മാരക വനിതാകോളജില്‍ കെ.എസ്.യു ജില്ലാ പ്രസിഡന്റ് പി. മുഹമ്മദ് ഷമ്മാസ് നിര്‍വഹിച്ചു. കെ.എസ്.യു ജില്ലാ വൈസ് പ്രസിഡന്റുമാരായ ഷിബിന്‍ ഷിബു, അശ്വതി, യൂനിറ്റ് പ്രസിഡന്റുമായ എ. റനീസ്, വി.കെ മിഥുന, ബി. ആതിര, കെ. ദില്‍ന, കെ. അമൃത നേതൃത്വം നല്‍കി.