കണ്ണൂര്‍: ഈ വര്‍ഷത്തെ എന്‍.സി ശേഖര്‍ ഫൗണ്ടേഷന്‍ പുരസ്‌കാരത്തിന് ഗുരു ചേമഞ്ചേരി കുഞ്ഞിരാമന്‍ നായര്‍ അര്‍ഹനായി. 25,000 രൂപയും പ്രശസ്തിപത്രവുമാണ് പുരസ്‌കാരം.
എന്‍.സി ശേഖറുടെ 32-ാമത് ചരമവാര്‍ഷിക ദിനത്തോടനുബന്ധിച്ച് ഡിസംബര്‍ മൂന്നിന് കാസര്‍കോട് കാലിക്കടവില്‍ നടക്കുന്ന ചടങ്ങില്‍വച്ച് ചേമഞ്ചേരി കുഞ്ഞിരാമന്‍ നായര്‍ പുരസ്‌കാരം ഏറ്റുവാങ്ങും. ദേശാഭിമാനി ചീഫ് എഡിറ്റര്‍ എം.വി ഗോവിന്ദന്‍, കവി പ്രഭാവര്‍മ്മ, യുവ എഴുത്തുകാരന്‍ ഡോ. വി.പി.പി മുസ്തഫ, ഫൗണ്ടേഷന്‍ മാനേജിങ് ട്രസ്റ്റി ഇടയത്ത് രവി എന്നിവരടങ്ങിയ കമ്മിറ്റിയാണ് അവാര്‍ഡ് ജേതാവിനെ തെരഞ്ഞെടുത്തത്.