ദോഹ: ഖത്തറില്‍ നിന്നുള്ള ആദ്യത്തെ മലയാളം റേഡിയോ '98.6 എഫ്.എം' പ്രക്ഷേപണം ഇന്ത്യന്‍ അംബാസിഡര്‍ പി. കുമരന്‍ ഉദ്ഘാടനം ചെയ്തു. വിദ്യാര്‍ഥികളായ മുഹമ്മദ് ഹാഷിമിന്റെയും റീവാ കാസിമിന്റേയും ഖുര്‍ആന്‍ പാരായണത്തോടെയാണ് ഇന്നലെ രാവിലെ എഫ്.എം പ്രക്ഷേപണത്തിന് തുടക്കമായത്. ഖത്തറിന്റെ വികസനത്തില്‍ മീഡിയയും പ്രവാസികളും വഹിക്കുന്ന പങ്ക് പ്രത്യേകം എടുത്തുപറഞ്ഞുള്ള അമീര്‍ ഷെയ്ക്ക് തമീം ബിന്‍ ഹമദ് അല്‍ത്താനിയുടെ പ്രഭാഷണവും പ്രക്ഷേപണം ചെയ്തു.
ഖത്തര്‍ വിഷന്‍ 2030 വികസന നയങ്ങളുടെ ഭാഗമായാണ് സ്‌റ്റേഷനുകള്‍ക്ക് അനുമതി നല്‍കിയത്.