വാഷിങ്ടണ്‍: അമേരിക്കയിലെ ഡാലസില്‍ കൊല്ലപ്പെട്ട ഇന്ത്യന്‍ വംശജയായ മൂന്നുവയസുകാരി ഷെറിന്‍ മാത്യൂസിന്റെ മൃതദേഹം സംസ്‌കരിച്ചു. കുടുംബത്തിന്റ അഭ്യര്‍ഥന മാനിച്ച് ഷെറിനെ അടക്കം ചെയ്ത സ്ഥലത്തിന്റെ വിവരങ്ങള്‍ പുറത്തുവിട്ടിട്ടില്ല.
ഒക്ടോബര്‍ ഏഴിനു കാണാതായ ഷെറിന്റെ മൃതദേഹം 22ാം തിയതിയാണ് വീടിനടുത്തുള്ള കലുങ്കിനടിയല്‍ കണ്ടെത്തിയത്. തിങ്കളാഴ്ചയാണ് പോസ്റ്റുമോര്‍ട്ടത്തിന് ശേഷം ഷെറിന്റെ മൃതദേഹം ബന്ധുക്കള്‍ക്ക് വിട്ടുനല്‍കിയത്. സുരക്ഷാ കാരണങ്ങളാല്‍ ആരാണ് മൃതദേഹം ഏറ്റുവാങ്ങിയതെന്ന് അധികൃതര്‍ വ്യക്തമാക്കിയിട്ടില്ല.