തിരുവനന്തപുരം: സംസ്ഥാന സ്‌കൂള്‍ കലോത്സവത്തില്‍ നാലു ഇനങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും ഒരുമിച്ച് നടത്താനുള്ള തീരുമാനം റദ്ദാക്കി.

ഓട്ടന്‍തുള്ളല്‍,മിമിക്രി,നാടോടിനൃത്തം, കഥകളി തുടങ്ങിയ മത്സരങ്ങളായിരുന്നു ആണ്‍കുട്ടികള്‍ക്കും പെണ്‍കുട്ടികള്‍ക്കും ഒരുമിച്ച് നടത്താന്‍ തീരുമാനിച്ചിരുന്നത്.

സ്‌കൂളുകളുടെയും അധ്യാപകരുടെ വ്യാപക പ്രതിഷേധത്തെത്തുടര്‍ന്നാണ് തീരുമാനം മാറ്റിയത്. പഴയത് പോലെ ഓരോ വിഭാഗം മത്സരവും വ്യത്യസ്തമായി നടത്താന്‍ തന്നെ വിദ്യാഭ്യാസ വകുപ്പ് തീരുമാനിക്കുകയായിരുന്നു.