യു.എ.ഇ ഇന്നു പതാക ദിനം ആചരിച്ചു. ശൈഖ് ഖലീഫ ബിന്‍ സായിദ് അല്‍ നഹ്യാന്‍ യുഎഇ പ്രസിഡണ്ടായ ദിനത്തിന്റെ സ്മരണ പുതുക്കാന്‍ 2013 മുതലാണ് രാജ്യത്തു പതാക ദിനം ആചരിച്ചു വരുന്നത്. പതിനായിരക്കണക്കിന് കേന്ദ്രങ്ങളില്‍ വിവിധ പരിപാടികളോടെ പതാക ഉയര്‍ത്തല്‍ ചടങ്ങ് നടന്നു.

അബുദാബി ഇന്ത്യന്‍ ഇസ്‌ലാമിക് സെന്ററില്‍ നടന്ന ചടങ്ങില്‍ ജനറല്‍ സെക്രട്ടറി ഉസ്മാന്‍ കരപ്പാത്ത് പതാക ഉയര്‍ത്തി. കോളജ് വിദ്യാര്‍ഥികള്‍ ഉള്‍പ്പെടെ നിരവധി പേര്‍ ചടങ്ങില്‍ പങ്കെടുത്തു.