ചെന്നൈ: ഏതാനും ദിവസങ്ങളിലായി തുടരുന്ന കനത്ത മഴ ചെന്നൈ നഗരത്തെ വെള്ളത്തിനടിയിലാക്കി. എം.ജി.ആര്‍ നഗര്‍, മടിപ്പാക്കം, ആവടി, മടിച്ചൂര്‍, ഒട്ടേരി എന്നിവിടങ്ങളെല്ലാം വെള്ളത്തിനടിയിലാണ്. ഏതാണ്ട് ഇരുപതിനായിരത്തോളം വീടുകളില്‍ വെള്ളം കയറിയിട്ടുണ്ട്. ഇന്നലെ റോഡിലൂടെ നടന്നു പോകുകയായിരുന്ന സഹോദരികളായ രണ്ടു പെണ്‍കുട്ടികള്‍ വൈദ്യുതാഘാതമേറ്റു മരിച്ചു.

ചെന്നൈയില്‍ അടുത്ത ദിവസങ്ങളിലും മഴയുണ്ടാകുമെന്ന കാലാവസ്ഥാ റിപ്പോര്‍ട്ട് നഗരവാസികളെ ഭീതിയിലാഴ്ത്തിയിരിക്കുകയാണ്. 2015ല്‍ ചെന്നൈ നഗരത്തിലുണ്ടായ പ്രളയവും കനത്ത നാശനഷ്ടങ്ങളും വീണ്ടും ആവര്‍ത്തിക്കുമോയെന്ന ആശങ്കയിലാണ് നഗരവാസികള്‍.