തൃക്കരിപ്പൂര്‍: പടന്ന മൂസഹാജി മുക്കില്‍ പ്രവര്‍ത്തിക്കുന്ന മൊബൈല്‍ സാമഗ്രികള്‍ വില്‍പന നടത്തുന്ന കട കത്തി നശിച്ചു. പടന്ന പഴയ ബസാറിലെ പി.എം അബ്ദുറൗഫിന്റെ ഉടമസ്ഥതയിലുള്ളതാണ് കട. ഇന്നലെ രാവിലെ കട തുറക്കാന്‍ നോക്കിയപ്പോഴാണ് പുക ഉയരുന്നതു കണ്ടത്.
നടക്കാവില്‍ നിന്നെത്തിയ അഗ്നിശമന സേനയും നാട്ടുകാരും ചേര്‍ന്ന് തീയണച്ചു.
ഷോട്ട്‌സര്‍ക്യൂട്ടാണു തീപിടിക്കാന്‍ കാരണമെന്നു കരുതുന്നു. ഒരു ലക്ഷം രൂപയുടെ നഷ്ടം കണക്കാക്കുന്നു.