കുറ്റ്യാടി: വേളം പൂളക്കൂലില്‍ പ്രവര്‍ത്തിക്കുന്ന ബഡ്‌സ് സ്‌കൂള്‍ വിദ്യാര്‍ഥികള്‍ക്ക് വിനോദയാത്രയൊരുക്കി ഗ്രീന്‍ വോയ്‌സ് വാട്ട്‌സ്ആപ്പ് കൂട്ടായ്മ.
വേളം പഞ്ചായത്തിലെ മുസ്‌ലിം ലീഗ് നേതാക്കളും പ്രവര്‍ത്തകരും കെ.എം.സി.സി പ്രവര്‍ത്തകരും ഉള്‍പ്പെടുന്ന വാട്ട്‌സ്ആപ്പ് കൂട്ടായ്മയാണ് സേവനരംഗത്ത് മാതൃകയായത്. വിനോദയാത്രക്കായി സ്വരൂപിച്ച തുക പൂളക്കൂല്‍ കമ്മ്യൂണിറ്റി ഹാളില്‍ നടന്ന ചടങ്ങില്‍ പഞ്ചായത്ത് പ്രസിഡന്റ് വി.കെ അബ്ദുല്ല എടത്തില്‍ വിജയന്‍ മാസ്റ്റര്‍ക്ക് കൈമാറി. വൈസ് പ്രസിഡന്റ് എം. മോളി അധ്യക്ഷയായി. കെ.കെ കാസിം, ബഷീര്‍ മാണിക്കോത്ത്, കെ.കെ അന്ത്രു, ഒ.പി രാഘവന്‍, മഠത്തില്‍ ശ്രീധരന്‍, പി.കെ ബഷീര്‍, കെ.കെ ബാലന്‍, അസിസ്റ്റന്റ് സെക്രട്ടറി ടി.ആര്‍ മനോജ്, വി.പി അബ്ദുല്ല, കെ.കെ ബാലകൃഷ്ണന്‍, ഗ്രീന്‍ വോയ്‌സ് അംഗങ്ങളായ എം.എ കുഞ്ഞബ്ദുല്ല, കെ.കെ മമ്മു, ജലീല്‍ കുണ്ടുകുളങ്ങര, പി.കെ.സി അമ്മത് , ബഡ്‌സ് സ്‌കൂള്‍ ടീച്ചര്‍ ടി.കെ പ്രീത സംസാരിച്ചു.