ഉരുവച്ചാല്‍: മാലൂര്‍ ഗവ: ഹയര്‍ സെക്കന്‍ഡറി സ്‌കൂളില്‍ നടന്ന മട്ടന്നൂര്‍ ഉപജില്ലാ ശാസ്‌ത്രോത്സവം സമാപിച്ചു. സമാപന സമ്മേളനം ജില്ലാ പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍മാന്‍ വി.കെ സുരേഷ് ബാബു ഉദ്ഘാടനം ചെയ്തു.
മാലൂര്‍ പഞ്ചായത്ത് വൈസ് പ്രസിഡന്റ് പി. മൈഥിലി അധ്യക്ഷയായി. ശാസ്ത്രമേളയില്‍ 129 പോയന്റ് നേടി കൂടാളി ഹയര്‍ സെക്കന്‍ഡറി സ്‌കൂള്‍ ഒന്നാം സ്ഥാനവും പട്ടാന്നൂര്‍ കെ.പി.സി ഹയര്‍ സെക്കന്‍ഡറി സ്‌കൂള്‍(79) രണ്ടാം സ്ഥാനവും നേടി.
എല്‍.പി വിഭാഗം ശാസ്ത്രമേളയില്‍ കാനാട് എല്‍.പി ഒന്നാം സ്ഥാനവും(25), കൂരിയോട് എല്‍.പി രണ്ടാം സ്ഥാനവും (20) നേടി. യു.പി വിഭാഗത്തില്‍ കൂടാളി ഹയര്‍ സെക്കന്‍ഡറി (41) സ്‌കൂള്‍ ഒന്നാം സ്ഥാനവും മട്ടന്നൂര്‍ ഗവ.യു.പി.(34) രണ്ടാം സ്ഥാനവും നേടി. ഹൈസ്‌കൂള്‍ വിഭാഗത്തില്‍ കൂടാളി ഹയര്‍ സെക്കന്‍ഡറി (48) സ്‌കൂള്‍ ഒന്നാം സ്ഥാനവും പട്ടാന്നൂര്‍ കെ.പി.സി ഹയര്‍ സെക്കന്‍ഡറി (41) രണ്ടാം സ്ഥാനവും നേടി. ഹയര്‍ സെക്കന്‍ഡറി വിഭാഗത്തില്‍ കൂടാളി (40) ഒന്നാം സ്ഥാനവും പട്ടാന്നൂര്‍ കെ.പി.സി (38) രണ്ടാം സ്ഥാനവും നേടി.