തലശ്ശേരി: ജില്ലാ ക്രിക്കറ്റ് അസോസിയേഷന്‍ 19 വയസിന് താഴെയുള്ളവര്‍ക്കായുള്ള ജൂനിയര്‍ ലീഗ് ക്രിക്കറ്റ് ടൂര്‍ണമെന്റ് അഞ്ചിന് രാവിലെ 9ന് തലശ്ശേരി ക്രിക്കറ്റ് സ്‌റ്റേഡിയത്തില്‍ നടക്കും. നഗരസഭാ ചെയര്‍മാന്‍ സി.കെ രമേശന്‍ ഉദ്ഘാടനം ചെയ്യും. ദ്വിദിന മത്സരങ്ങളായാണ് ലീഗ്. ക്രിക്കറ്റ് അസോസിയേഷന്റെ പുതിയ ഭാരവാഹികള്‍ ചുമതലയേറ്റതോടെ അടുത്തിടെ നടന്ന സെലക്ഷന്‍ ട്രയല്‍സില്‍ 200ഓളം കുട്ടികള്‍ പങ്കെടുത്തു. ഇതില്‍ 70 കുട്ടികളെ തെരഞ്ഞടുത്തതായും അഞ്ച് കോച്ചുകളുടെ നേതൃത്വത്തില്‍ ഇവര്‍ക്ക് പരിശീലനം നല്‍കിയതായും ഭാരവാഹികള്‍ പറഞ്ഞു. വാര്‍ത്താസമ്മേളനത്തില്‍ ജില്ലാ ക്രിക്കറ്റ് അസോ. പ്രസിഡന്റ് കെ.പി സുരേഷ്ബാബു, സെക്രട്ടറി വി.പി അനസ്, ഫിജാസ് അഹമ്മദ് എ.സി.എം, കെ. നവാസ് പങ്കെടുത്തു.