ന്യൂഡല്‍ഹി: ജിഷ്ണു പ്രണോയ് കേസില്‍ അന്വേഷണം ഏറ്റെടുക്കാനുള്ള വിജ്ഞാപനം തങ്ങള്‍ക്ക് ലഭിച്ചിട്ടില്ലെന്ന് സി.ബി.ഐ. വിജ്ഞാപനം ലഭിക്കാത്തതിനാലാണ് അന്വേഷണം ഏറ്റെടുക്കാത്തതെന്നും സി.ബി.ഐ ഇന്ന് സുപ്രിംകോടതിയില്‍ അറിയിച്ചു.

സി.ബി.ഐ തീരുമാനം ഉടന്‍ അറിയിച്ചില്ലെങ്കില്‍ സ്വന്തം നിലയ്ക്ക് അന്വേഷണത്തിന് ഉത്തരവിടുമെന്ന് സുപ്രിം കോടതി അറിയിച്ചു. വിജ്ഞാപനം ലഭിക്കാതെ അന്വേഷണം ഏറ്റെടുക്കാനാവില്ലെന്ന നിലപാടിലാണ് സി.ബി.ഐ. വിശദമായ വാദം കേള്‍ക്കാനായി കേസ് അടുത്ത ചൊവ്വാഴ്ചത്തേക്ക് മാറ്റി വച്ചു. ഇക്കാര്യത്തില്‍ സുപ്രിം കോടതി ചൊവ്വാഴ്ച അന്തിമ തീരുമാനമെടുത്തേക്കും.