ആലപ്പുഴ: പബ്‌ളിസിറ്റി കമ്മിറ്റി നടത്തിയ പ്രവചന മത്സരത്തില്‍ കാരിച്ചാല്‍ ചുണ്ടനെ പ്രവചിച്ച ചെങ്ങന്നൂര്‍ കീഴ്‌ച്ചേരിമേല്‍ മോടിയൂഴത്തില്‍ ഊര്‍മിള ഉണ്ണിക്കൃഷ്ണന്‍ വിജയിയായി.
ദക്ഷിണ മേഖല എ.ഡി.ജി.പി. ബി. സന്ധ്യയാണ് നറുക്കെടുത്തത്. നെഹ്‌റു ട്രോഫി ചീഫ് കോ-ഓര്‍ഡിനേറ്ററും മുന്‍ എം.എല്‍.എ.യുമായ സി.കെ. സദാശിവന്‍, നഗരസഭാധ്യക്ഷന്‍ തോമസ് ജോസഫ്, ജില്ലാ ഇന്‍ഫര്‍മേഷന്‍ ഓഫീസര്‍ സി. അജോയ് എന്നിവര്‍ സന്നിഹിതരായിരുന്നു. വിജയിക്ക് പാലത്ര ഫാഷന്‍ ജൂവലേഴ്‌സ് നല്‍കുന്ന 10,001 രൂപയുടെ പി.റ്റി. ചെറിയാന്‍ സ്മാരക കാഷ് അവാര്‍ഡ് ലഭിക്കും.