ഗൂഡല്ലൂര്‍: ദേവര്‍ ഷോല പഞ്ചായത്ത് കോളനിക്ക് സമീപം എത്തിയ മോഴയാന ഗ്രാമവാസികളെ ഭീതിയിലാഴ്ത്തി.
ദിവസങ്ങളായി ദേവര്‍ഷോല പഞ്ചായത്തിലെ വിവിധ ഭാഗങ്ങളില്‍ മോഴയാന തമ്പടിച്ചിരിക്കയാണ്. രാത്രികാലങ്ങളില്‍ ജനവാസ കേന്ദ്രത്തിലെത്തുന്ന മോഴയാന കാര്‍ഷിക വിളകള്‍ നശിപ്പിക്കുന്നത് പതിവായിരിക്കുകയാണ്.
ഇന്നലെ രാവിലെ ആറുമണിയോടെ ദേവര്‍ഷോല പഞ്ചായത്ത് കോളനിക്ക് സമീപമിറങ്ങിയ മോഴയാന നാട്ടുകാരും വനം വകുപ്പും ശ്രമിച്ചിട്ടും കാടു കയാറാതെ സമീപത്തെ വാഴക്കൃഷി പാടെ നശിപ്പിച്ചു.
വനാതിര്‍ത്തികളില്‍ പ്രതിരോധ സംവിധാനങ്ങള്‍ ഒരുക്കാത്തതിനാലാണ് വന്യമൃഗങ്ങള്‍ യഥേഷ്ടം ജനവാസ കേന്ദ്രങ്ങളിലെത്തുന്നത്. ഇതിനെതിരേ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.