ഷിംല: ഹിമാചല്‍പ്രദേശ് തെരഞ്ഞെടുപ്പില്‍ 13 സ്ഥാനാര്‍ഥികളുമായി രംഗത്തിറങ്ങിയ സി.പി.എം ഇന്നലെ തെരഞ്ഞെടുപ്പ് പ്രകടന പത്രിക പുറത്തിറക്കി.
ശക്തമായ പ്രതിപക്ഷമായി നിലകൊള്ളുമെന്ന് വ്യക്തമാക്കുന്ന പ്രകടന പത്രികയില്‍ സംസ്ഥാനത്തിന്റെ സാമ്പത്തിക രംഗം, തൊഴില്‍, തൊഴിലാളികളുടെ അവകാശം, യുവാക്കളുടെ പ്രശ്‌നങ്ങള്‍, സര്‍ക്കാര്‍ ജീവനക്കാരുടെയും തൊഴിലാളികളുടെയും വ്യാപാരികളുടെയും താല്‍പര്യം സംരക്ഷിക്കല്‍ തുടങ്ങിയവയാണ് പ്രകടനപത്രികയില്‍ പ്രധാനമായും ചൂണ്ടിക്കാട്ടുന്നത്.
സി.പി.എം സംസ്ഥാന സെക്രട്ടറി ഡോ. ഓംകാര്‍ ഷാദ് ആണ് പ്രകടന പത്രിക പുറത്തിറക്കിയത്.