മലപ്പുറം: കൊണ്ടോട്ടി-മുണ്ടക്കുളം ശംസുല്‍ ഉലമാ മെമ്മോറിയല്‍ ഇസ്‌ലാമിക് കോംപ്ലക്‌സില്‍ നടന്നു വരുന്ന ജാമിഅ ജലാലിയ്യ ദ്വി വര്‍ഷ ജലാലി ബിരുദത്തിന് സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗീകാരം നല്‍കി.
ശരീഅത്ത് കോളജുകളിലെ ഉയര്‍ന്ന കിത്താബുകള്‍ക്ക് പുറമെ ഓറിയന്റഡ് ഇസ്‌ലാമിക് സൈക്കോളജി, കമ്മ്യൂണിക്കേറ്റീവ് ഇംഗ്ലിഷ്, ഫങ്ഷണല്‍ അറബിക്, ഉര്‍ദു എന്നിവ ഉള്‍കൊള്ളുന്ന സിലബസിനാണ് സമസ്തയുടെ പരിശോധന സമിതിയുടെ റിപ്പോര്‍ട്ടിന്റെ അടിസ്ഥാനത്തില്‍ അംഗീകാരം നല്‍കിയത്.