കോഴിക്കോട്: എസ്.കെ.എസ്.എസ്.എഫ് ആദര്‍ശ വിഭാഗം ഇസ്തിഖാമ നടത്തുന്ന ദ്വിവത്സര ആദര്‍ശ പഠന കോഴ്‌സിന്റെ പുതിയ ബാച്ച് ഉദ്ഘാടനം നാളെ രാവിലെ 9.30ന് കോഴിക്കോട് സുപ്രഭാതം ഓഡിറ്റോറിയത്തില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും.
വിവിധ ദര്‍സ്, അറബിക് കോളജുകളില്‍ നിന്ന് തെരഞ്ഞെടുക്കപ്പെട്ടവര്‍ക്കാണ് പരിശീലനം. ചടങ്ങില്‍ സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും. അബ്ദുല്‍ഹമീദ് ഫൈസി അമ്പലക്കടവ് മുഖ്യപ്രഭാഷണം നടത്തും. സത്താര്‍ പന്തലൂര്‍, സുലൈമാന്‍ ഫൈസി ചുങ്കത്തറ, മുസ്തഫ അശ്‌റഫി കക്കുപ്പടി, അബ്ദുല്‍ ഗഫൂര്‍ അന്‍വരി, സയ്യിദ് ത്വാഹ തങ്ങള്‍ (മസ്‌കത്ത്), സയ്യിദ് പൂക്കോയ തങ്ങള്‍ ബാഅലവി (അല്‍ ഐന്‍),ഖലീല്‍ റഹ്മാന്‍ കാശിഫി(ഷാര്‍ജ), പരപ്പനങ്ങാടി ബാവ ഹാജി (ഒമാന്‍) പി. കെ അബ്ദുല്‍ ഖാദര്‍ ഫൈസി(സോഹാര്‍), മുഹമ്മദലി കുവൈത്ത്, അബൂ ത്വാഹിര്‍ ദാരിമി (അബഹ),സുബൈര്‍ ഫൈസി കട്ടുപാറ (ഖത്തര്‍), സി.കെ മൊയ്തീന്‍ ഫൈസി കോണോംപാറ, എം.ടി അബൂബക്കര്‍ ദാരിമി, ശൗക്കത്ത് അലി ഫൈസി പ്രസംഗിക്കും.