ന്യൂഡല്‍ഹി: വാഷിംഗ്ടണില്‍ സിഖ് ബാലനു നേര്‍ക്ക് ആക്രമണമുണ്ടായ സംഭവത്തില്‍ വിദേശകാര്യ മന്ത്രി സുഷമ സ്വരാജ് റിപ്പോര്‍ട്ട് തേടി. വാഷിംഗ്ടണിലെ ഇന്ത്യന്‍ എംബസിയോടാണ് റിപ്പോര്‍ട്ട് ആവശ്യപ്പെട്ടിരിക്കുന്നത്.

കെന്റിഡ്ജ് ഹൈസ്‌കൂളിലെ വിദ്യര്‍ത്ഥിയും 14കാരനുമായ സിഖ് ബാലനെയാണ് സഹപാഠികള്‍ ആക്രമിച്ചതായി റിപ്പോര്‍ട്ട് പുറത്തുവന്നത്.

കുട്ടിയെ പിന്തുടര്‍ന്ന സഹപാഠികള്‍ മൈതാനത്തിട്ട് ഇടിക്കുകയും തൊഴിക്കുകയും ചെയ്യുന്നതിന്റെ വീഡിയോയും പുറത്തുവന്നിരുന്നു.

തന്റെ മകന്‍ ഇന്ത്യക്കാരനായതിനാലും സിഖ് വിശ്വാസിയായതിനാലുമാണ് ആക്രമണം നേരിടേണ്ടിവന്നതെന്ന് കുട്ടിയുടെ പിതാവ് ആരോപിച്ചിരുന്നു.