റിയാദ്: സഊദി തലസ്ഥാന നഗരിയായ റിയാദിനെ ലക്ഷ്യമിട്ടെത്തിയ മിസൈല്‍ തകര്‍ത്തു. യമനിലെ വിമത വിഭാഗമായ ഹൂതികള്‍ തൊടുത്ത ബാലിസ്റ്റിക് മിസൈലാണ് റിയാദിനു വടക്കു ഭാഗത്തു തകര്‍ത്തതെന്ന് സഊദി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ഈ ഭാഗത്ത് ആകാശത്തുനിന്ന് ഉഗ്രശബ്ദം കേട്ടതായി പ്രദേശവാസികള്‍ വെളിപ്പെടുത്തിയതായും മാധ്യമങ്ങള്‍ റിപ്പോര്‍ട്ട് ചെയ്തു. സഊദി പ്രതിരോധ മന്ത്രാലയം മിസൈല്‍ പ്രതിരോധ സംവിധാനമായ പാട്രിയേറ്റ് ഉപയോഗിച്ചാണ് ആകാശത്തുവച്ചു തന്നെ മിസൈല്‍ തകര്‍ത്തത്. എന്നാല്‍ സംഭവത്തെ കുറിച്ച് ഔദ്യോഗിക വിവരങ്ങളൊന്നും സഊദി അധികൃതര്‍ പുറത്തു വിട്ടിട്ടില്ല.