കുറവിലങ്ങാട്: ഉഴവൂര്‍ ബ്ലോക്ക് പഞ്ചായത്തില്‍ തൊഴിലുറപ്പ് പദ്ധതി സാങ്കേതിക വിഭാഗം ഉദ്യോഗസ്ഥര്‍ അട്ടിമറിക്കുന്നതായി ആരോപിച്ച് ജനപ്രതിനിധികള്‍ സമര രംഗത്തിറങ്ങുന്നു. ബ്ലോക്ക് പഞ്ചായത്തിലെ ജനപ്രതിനിധികളും ബ്ലോക്കിന് കീഴിലെ വിവിധ പഞ്ചായത്ത് പ്രസിഡന്റുമാരുമടങ്ങുന്ന യോഗമാണ് സമരപ്രഖ്യാപനം നടത്തിയത്. 16ന് 11 മുതല്‍ കോട്ടയം എല്‍.എസ്.ജി.ഡി എക്‌സിക്യൂട്ടീവ് എന്‍ജിനിയറുടെ ഓഫീസ് പടിക്കല്‍ ധര്‍ണ നടത്തുമെന്ന് ബ്ലോക്ക് പഞ്ചായത്ത് ഭരണസമിതി അറിയിച്ചു.
ബ്ലോക്ക് പഞ്ചായത്ത് പ്രസിഡന്റ് മോളി ലൂക്കാ, വൈസ് പ്രസിഡന്റ് തോമസ് ടി. കീപ്പുറം ബ്ലോക്കിനു കീഴിലെ വിവിധപഞ്ചായത്ത് പ്രസിഡന്റു മാരായ പി.സി. കുര്യന്‍. കെ.സി മാത്യു, ചെറിയാന്‍ മാത്യു, മേരിക്കുട്ടി തോമസ്, ഡോ. റാണി ജോസഫ്, എം.ടി മേരി, ബ്ലോക്ക് പഞ്ചായത്തംഗങ്ങളായ ലിസി ബേബി ,സി.എം. ജോര്‍ജ്, ആന്‍സി ജോസ്, ലില്ലി മാത്യു, കെ.പി ജയപ്രകാശ്, എ.ആര്‍ ശശീന്ദ്രന്‍ എന്നിവര്‍ പങ്കെടുത്ത യോഗമാണ് സമരപ്രഖ്യാപനം നടത്തിയത്.
ഈ സാമ്പത്തിക വര്‍ഷം മുതല്‍ തൊഴിലുറപ്പ് പദ്ധതിയില്‍ ആസ്തി കള്‍ സൃഷ്ടിക്കുന്ന പ്രവൃത്തികള്‍ മാത്രമേ ഏറ്റെടുക്കുവാന്‍ സാധിക്കു കയുള്ളൂ എന്നാണ് ഉദ്യോഗസ്ഥ നിലപാടെന്നാണ് ജനപ്രതിനിധികള്‍ പറയുന്നത്. പ്രവൃത്തികള്‍ക്കുള്ള എസ്റ്റിമേറ്റ് സി.പി.ഡബ്ല്യു.ഡി ഡേറ്റ പ്രകാരം തയാറാക്കുമ്പോള്‍ തൊഴിലാളികള്‍ക്ക് തുച്ഛമായ കൂലി മാത്രമേ ലഭിക്കാന്‍ സാധ്യതയുള്ളൂവെന്നും ജില്ലയില്‍ ഉഴവൂര്‍ ബ്ലോക്ക് പഞ്ചായത്ത് പ്രദേശത്തുള്ള ഗ്രാമ പഞ്ചായത്തുകളൊഴികെ പത്ത് ബ്ലോക്ക് പഞ്ചായത്ത് പ്രദേശത്തും തൊഴിലുറപ്പ് പദ്ധതികള്‍ക്കായി തയാറാക്കിയ ഒബ്‌സേര്‍വ് ഡേറ്റ സാങ്കേതിക അനുമതി നല്‍കുന്ന തിന് എല്‍.എസ്.ജി.ഡി സങ്കേതിക വിഭാഗം തയാറാവുകയും പ്രവൃത്തി കള്‍ സുഗമമായി നടക്കുകയും ചെയ്യുന്നുണ്ടെന്ന് ബ്ലോക്ക് വൈസ് പ്രസിഡന്റ് തോമസ് ടി. കീപ്പുറം പറയുന്നു.
സമീപ ബ്ലോക്കിലെ പഞ്ചായത്തുകളില്‍ തൊഴിലുറപ്പ് പദ്ധതി ചെയ്യുന്നതിന്റെ എസ്റ്റിമേറ്റ് സഹിതം ഉഴവൂര്‍ ബ്ലോക്കിലെ എല്‍.എസ്.ജി.ഡി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ക്കും ഗ്രാമപഞ്ചായ ത്തിലെ എല്‍.എസ്.ജി.ഡി അസിസ്റ്റ ന്റ് എന്‍ജിനിയര്‍മാര്‍ക്കും നല്‍കി യെങ്കിലും നിഷേധാത്മക നിലപാ ടാണ് സ്വീകരിച്ചിട്ടുള്ളതെന്നും ജനപ്രതിനിധികള്‍ പറയുന്നു. തൊഴിലു റപ്പ് പദ്ധതികള്‍ക്കായി തയാറാക്കിയ ഒബ്‌സേര്‍വ് ഡേറ്റ എല്‍എസ്ജിഡി, എക്‌സിക്യുട്ടീവ് എന്‍ജിനിയര്‍ അംഗീകരിച്ചു നല്‍കിയില്ലെന്നുള്ള ന്യായമാണ് അവര്‍ ഉന്നയിക്കുന്നതെന്നും പറയുന്നു.