റോഹ്ത്തക്ക്: ഹിസാറില്‍ ഓയില്‍മില്ലിലെ പെട്രോള്‍ ടാങ്കിലുണ്ടായ സ്‌ഫോടനത്തില്‍ 15 പേര്‍ക്ക് പരുക്കേറ്റു. ഹിസാര്‍ ജില്ലയിലെ ഉക്്‌ലാന ബ്ലോക്കിലുള്ള ഓയില്‍മില്ലിലാണ് സ്‌ഫോടനമുണ്ടായത്. മാസങ്ങളായി മില്ല് അടച്ചിട്ടിരിക്കുകയായിരുന്നു. അറ്റകുറ്റപ്പണികള്‍ക്കു ശേഷം ശനിയാഴ്ചയാണ് തുറന്നത്.
സ്‌ഫോടനത്തെതുടര്‍ന്ന് ആളിപ്പടര്‍ന്ന തീയണക്കാനായി നിരവധി ഫയര്‍ യൂനിറ്റുകള്‍ എത്തിയിരുന്നു.
നാല് മണിക്കൂറിലധികം പ്രയത്‌നിച്ചാണ് തീയണക്കാനായതെന്ന് പൊലിസ് അറിയിച്ചു. അതേസമയം , പരുക്കേറ്റവരില്‍ ആറുപേരുടെ നില ഗുരുതരമാണ്. പരുക്കേറ്റവരെല്ലാം മില്ലിലെ തൊഴിലാളികളാണ്.