ന്യൂഡല്‍ഹി: ഡല്‍ഹി ഇന്ദിരാഗാന്ധി വിമാനത്താവളത്തില്‍ വി.ഐ.പികളുടെ വരവിനെതുടര്‍ന്ന് നിരവധി വിമാന സര്‍വിസുകള്‍ വൈകുകയോ വഴിതിരിച്ചുവിടുകയോ ചെയ്തു. ചാര്‍ട്ടേഡ് വിമാനങ്ങളുടെ എണ്ണം കൂടിയതിനെ തുടര്‍ന്നാണ് പ്രശ്‌നം നേരിട്ടത്. ഇതേതുടര്‍ന്ന് 90 ആഭ്യന്തര വിമാന സര്‍വിസുകള്‍ വൈകിയെന്ന് എയര്‍പോര്‍ട്ട് വെബ്‌സൈറ്റ് പറയുന്നു.
വിമാനങ്ങള്‍ വൈകിയത് കാരണം ആഭ്യന്തര ടെര്‍മിനലില്‍ വലിയ തിരക്കാണ് അനുഭവപ്പെട്ടത്. ഇതിനിടയില്‍ യാത്രക്കാരില്‍ ചിലര്‍ പ്രതിഷേധിച്ചത് വിമാനത്താവളത്തിന്റെ പ്രവര്‍ത്തനത്തെ വീണ്ടും പ്രതിസന്ധിയിലാക്കി.