ഷിംല: ഈ മാസം 9ന് തെരഞ്ഞെടുപ്പ് നടക്കാനിരിക്കെ ഹിമാചലില്‍ പ്രചാരണം ശക്തമായി. എന്നാല്‍ സംസ്ഥാനത്ത് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ അസാന്നിധ്യം ഏറെ ചര്‍ച്ച ചെയ്യപ്പെടുകയാണ്. ഡിസംബറില്‍ തെരഞ്ഞെടുപ്പ് നടക്കുന്ന ഗുജറാത്തില്‍ നാല് ഘട്ടങ്ങളിലായാണ് രാഹുല്‍ ഗാന്ധി പ്രചാരണം നടത്തിയത്. എന്നാല്‍ അദ്ദേഹം തെരഞ്ഞെടുപ്പിന്റെ അവസാന ദിനത്തോടടുത്ത ഇന്ന് മാത്രമാണ് ഹിമാചലില്‍ എത്തുന്നത്. കാന്‍ഗ്ര ജില്ലയിലെ മൂന്നിടങ്ങളില്‍ മാത്രമാണ് അദ്ദേഹം പ്രചാരണത്തിന് എത്തുന്നത്. രാഷ്ട്രീയ രംഗത്ത് ശ്രദ്ധാ കേന്ദ്രമായ ഈ ജില്ലയില്‍ ഇന്നലെ മോദി പ്രചാരണത്തിന് എത്തിയിരുന്നു. ഇവിടെതന്നെയാണ് ഇന്ന് രാഹുലും എത്തുന്നത്.
ദേശീയ നേതാക്കളുടെ അഭാവമാണ് സംസ്ഥാനത്ത് കോണ്‍ഗ്രസ് ഒളിച്ചോടാന്‍ കാരണമെന്ന് മോദി പരിഹസിക്കുകയും ചെയ്തിട്ടുണ്ട്.