തെഹ്‌റാന്‍: രാജിവച്ച ലബനാന്‍ പ്രധാനമന്ത്രി സഅദ് അല്‍ ഹരീരിയുടെ ആരോപണങ്ങളെ ഇറാന്‍ തള്ളിക്കളഞ്ഞു. മേഖലയില്‍ സംഘര്‍ഷം ആളിക്കത്തിക്കാനുള്ള ഗൂഢാലോചനയുടെ ഭാഗമാണ് ഹരീരിയുടെ രാജിയെന്ന് ഇറാന്‍ പരമോന്നത നേതാവ് ആയത്തുല്ല അലി ഖാംനഇയുടെ ഉപദേഷ്ടാവ് ഹുസൈന്‍ ശൈഖുല്‍ ഇസ്‌ലാം ആരോപിച്ചു.
തന്നെ വധിക്കാന്‍ ഇറാനും ഇറാന്റെ പിന്തുണയുള്ള ലിബിയയിലെ ശീഈ തീവ്രസംഘമായ ഹിസ്ബുല്ലയും പദ്ധതിയിടുന്നതായി ആരോപിച്ചാണ് ഹരീരി രാജിവച്ചത്. ലിബിയയിലടക്കം മേഖലയിലെ വിവിധ രാജ്യങ്ങളില്‍ പ്രശ്‌നം സൃഷ്ടിക്കാന്‍ ഇറാന്‍ ശ്രമിക്കുന്നതായും അദ്ദേഹം ആരോപിച്ചിരുന്നു.
എന്നാല്‍, ് ഡൊണാള്‍ഡ് ട്രംപും സഊദി കിരീടാവകാശി മുഹമ്മദ് ബിന്‍ സല്‍മാനും ചേര്‍ന്നു നടത്തിയ ഗൂഢാലോചനയുടെ ഭാഗമാണ് ഹരീരിയുടെ രാജിയെന്ന് ഖാംനഇയുടെ ഉപദേഷ്ടാവ് ആരോപിച്ചു. ലബനാനിലും അറബ് മേഖലയിലും സംഘര്‍ഷം സൃഷ്ടിക്കാനുള്ള പദ്ധതിയുടെ ഭാഗമാണു രാജിയെന്ന് ഇറാന്‍ വിദേശകാര്യ മന്ത്രാലയം വക്താവ് ബഹ്‌റാം ഖാസിമി പറഞ്ഞു.