പാലക്കാട്: ലൈസന്‍സ്ഡ് എന്‍ജിനീയേഴ്‌സ് ആന്‍ഡ് സൂപ്പര്‍വൈസേഴ്‌സ് ഫെഡറേഷന്‍(ലെന്‍സ് ഫെഡ് ) സംസ്ഥാന സമ്മേളനം ആറിന് രാവിലെ ഒന്‍പതരക്ക് ഒറ്റപ്പാലം പിഷാരടീസ് ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. പി. കെ. ശശി. എം.എല്‍.എ ഉദ്ഘാടനം ചെയ്യും.
നോട്ട് നിരോധനവും ജി.എസ് .ടിയും മൂലം റിയല്‍ എസ്‌റ്റേറ്റ് മേഖല സ്തംഭനാവസ്ഥയിലാണ്. നേരത്തെ 9ശതമാനം ഉണ്ടായിരുന്ന നികുതി ജി.എസ്.ടി വന്നതോടെ 18 ശതമാനമായെന്നും ഭാരവാഹികള്‍ ചൂണ്ടിക്കാട്ടി. ഇക്കാര്യങ്ങള്‍ മറ്റു സംഘടനകളുമായി ചര്‍ച്ച ചെയ്ത ഭാവി പ്രക്ഷോഭ പരിപാടികള്‍ക്ക് സമ്മേളനം രൂപം നല്‍കുമെന്നും ഇവര്‍ പറഞ്ഞു. വാര്‍ത്താസമ്മേളനത്തില്‍ സംസ്ഥാന പി. ആര്‍.ഒ ആര്‍.കെ. മണിശങ്കര്‍, ജില്ലാ പ്രസിഡന്റ് പി. രമേശ്, സെക്രട്ടറി ടി.പി. ഉദയപ്രഭാകരന്‍ പങ്കെടുത്തു.