കൊച്ചി: സ്മാര്‍ട് ക്ലാസ് എഡ്യുക്കേഷനില്‍ മുന്നില്‍നില്‍ക്കുന്ന എഡ്യുകോംപ് സൊല്യൂഷന്‍സിന്റെ ആഭിമുഖ്യത്തില്‍ കൊച്ചിയില്‍ വിദ്യാഭ്യാസ വികസന സ്‌കൂള്‍ കോണ്‍ക്ലേവ് നടന്നു. കൊച്ചിയിലെ 50ലേറെ പ്രമുഖ സ്‌കൂളുകളിലെ പ്രിന്‍സിപ്പല്‍മാര്‍ കോണ്‍ക്ലേവില്‍ പങ്കെടുത്തു. കോണ്‍ക്ലേവിലെ ഈ വര്‍ഷത്തെ വിഷയം ശാസ്ത്രവും ഗണിതവുമായിരുന്നു. ശാസ്ത്ര, ഗണിത വിഷയങ്ങള്‍ മികച്ച രീതിയില്‍ കൈകാര്യം ചെയ്യുന്നതിനും അതിന്റെ ഫലം വിലയിരുത്തുന്നതിനും സഹായകമായ അന്തരീക്ഷം സൃഷ്ടിക്കാന്‍ കഴിയുന്ന പുതിയ സാങ്കേതികവിദ്യയായ സ്മാര്‍ട്‌സ്റ്റെമിനെക്കുറിച്ച് കോണ്‍ക്ലേവില്‍ പരിചയപ്പെടുത്തി.
സ്റ്റെം എഡ്യുക്കേഷന്‍ എന്ന ആഗോളതലത്തില്‍ അംഗീകരിക്കപ്പെടുകയും പിന്‍തുടരുകയും ചെയ്യുന്ന പഠനസംവിധാനം സ്വീകരിക്കുന്നതിലൂടെ ശാസ്ത്ര, ഗണിത വിഷയങ്ങള്‍ക്ക് പുതിയ മാനം നല്‍കുകയാണ് സ്മാര്‍ട്‌സ്റ്റെം. എഡ്യുകോംപ് സൊല്യൂഷന്‍സ് റീജിണല്‍ സി.ഇ.ഒ എം.ആര്‍. കൃഷ്ണമൂര്‍ത്തി , എഡ്യുകോംപ് സംസ്ഥാന ഹെഡ് രോഷ്‌നി നായര്‍ എന്നിവര്‍ സംസാരിച്ചു.