പട്‌ന: പ്രധാനമന്ത്രി നരേന്ദ്രമോദി സ്വാമി വിവേകാനന്ദന്റെ പുനര്‍ജന്മമെന്ന് ബീഹാറിലെ ബി.ജെ.പി നേതാവ് നിത്യാനന്ദ റായ്. നളന്ദ ജില്ലയിലെ രാജ്ഗിറില്‍ യുവമോര്‍ച്ച സംഘടിപ്പിച്ച ചടങ്ങില്‍ സംസാരിക്കവെയാണ് നിത്യാനന്ദ ഇക്കാര്യം പറഞ്ഞത്.

19ാം നൂറ്റാണ്ടില്‍ രാമകൃഷ്ണപരമഹംസരുടെ മുഖ്യ ശിഷ്യനായിരുന്ന വിവേകാനന്ദന്‍ യുവാക്കളുടെ വഴികാട്ടിയും രാജ്യത്തിന്റെ ഉയര്‍ച്ചയ്ക്കു വേണ്ടി പ്രയത്‌നിച്ചയാളുമായിരുന്നു. മോദിയും അതേരീതിയില്‍ പ്രവര്‍ത്തിക്കുന്നയാളാണെന്നാണ് നിത്യാനന്ദ പറഞ്ഞിരിക്കുന്നത്.

ബി.ജെ.പിയുടെ ബിഹാറിലെ മുഖ്യ എതിരാളിയായ രാഷ്ട്രീയ ജനതാദളിനെതിരെയും നിത്യാനന്ദ രംഗത്തെത്തി. ബിഹാറിലെ ജംഗിള്‍രാജ് ഭരണത്തിലെ അവസാനവിജയിയാണ് തേജസ്വിയാദവെന്നും അദ്ദേഹം പറഞ്ഞു.