തിരുവനന്തപുരം: രാജ്‌കോട്ടിലെ തകര്‍പ്പന്‍ ജയം ടീമിന്റെ ആത്മവിശ്വാസം വര്‍ധിപ്പിച്ചു. ഇന്നത്തെ പോരാട്ടത്തില്‍ സമ്മര്‍ദമില്ല. ഇന്ത്യയ്‌ക്കെതിരേ അവസാന മത്സരം വരെ ആവേശം നീട്ടാന്‍ ഞങ്ങള്‍ക്ക് കഴിഞ്ഞു. ഇന്ത്യ കാണ്‍പൂരില്‍ രക്ഷപ്പെട്ടത് തലനാരിഴയ്ക്കാണ്. എല്ലാവരും അവരവരുടെ റോളുകള്‍ ഭംഗിയാക്കിയാല്‍ ഗ്രീന്‍ഫീല്‍ഡില്‍ കാര്യങ്ങള്‍ ന്യൂസിലന്‍ഡിന് അനുകൂലമാകും കാര്യങ്ങള്‍.
ബുമ്‌റ ഏറെ ബുദ്ധിമുട്ടുണ്ടാക്കുന്ന ബൗളറാണ്. ക്രിക്കറ്റ് ലോകത്തിന് ഇന്ത്യ സമ്മാനിച്ച ഏറ്റവും മികച്ച പേസ് ബൗളര്‍മാരില്‍ ഒരാളാണ് നെഹ്‌റ. ഫീല്‍ഡിങിലെ പോരായ്മകളാണ് തലവേദന. ഇന്ത്യന്‍ സാഹചര്യങ്ങള്‍ സ്പിന്നിന് ഏറെ സഹായകരമാണ്. രാജ്‌കോട്ടില്‍ എനിക്കും ഇഷ് സോധിക്കും മണ്‍റോയ്ക്കും നന്നായി ബൗള്‍ ചെയ്യാനായി. ഇന്ത്യന്‍ സ്പിന്നര്‍മാരായ ചഹലിനും അക്‌സറിനും കഴിഞ്ഞ മത്സരം അത്ര നല്ലതായിരുന്നില്ല. അതിനു മുന്‍പ് അവര്‍ക്ക് തിളങ്ങാനായി. ഇഷ് സോധി ഇന്ത്യയില്‍ മികച്ച രീതിയില്‍ ബൗള്‍ ചെയ്യുന്നുണ്ട്.